SUAL KALSAN

SUAL KALSAN 1

THUFINGTE 22:3
Mi fing chuan hlauhawm a hmuhin a biru a, Mi mâwl erawh chuan a tâwn mai a, a tuar phah ṭhîn.

Ringtute hian sual hawisanna kawngah leh tlânchhiatna kawngah ṭan kan lâk deuh deuh a pawimawh hle. Tunlai khawvêl kan ngaihtuah phei chuan sualna hian nasa takin min chimbuai tawh tih hre rengin Bible-a kan hmuh ang hian sual kalsan a, thil ṭha tih i tum ang u.

Joba 28:28-ah chuan, “Mihring hnênah chuan, “Ngai rawh, Lalpa ṭih hi finna a ni, Thil ṭha lo kalsan hi hriatthiamna chu a ni,” a ti a.”

Thufingte 4:27 – Ding lamah emaw, vei lamah emaw pêng suh, Sual lakah i ke vêng ṭha rawh.

Sam 34:14 – Sual hawisan la, thil ṭha ti rawh, Remna zawng la, ûm zêl ang che.

Rom 12:9 – Hmangaihna chu vervêkna tel lovin ni rawh se. Sual chu hua ula, a ṭha chu pawm tlat rawh u.

1 Petera 3:11 – Sual hawisanin thil ṭha ti rawh se, Remna zawngin ûm zêl rawh se.

Sam 97:10 – Lalpan sual hawtute chu a hmangaih a, Inserhte chu a vêng reng a, Mi sual kut ata chu a chhan chhuak ṭhîn.

THUFINGTE 14:16
Mi fingte chu an fîmkhur a, Thil ṭha lo an hawisan a, Mi sualte erawh chuan ngampa takin thil an ti buan buan ṭhîn.

2 Comments

  1. A tha ka tikhawp mai

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.