EBENEZER

1 SAMUELA 7:12,13a
Chutichuan, Samuela chuan lung a la a, Mizpe leh Sen inkârah chuan a phun a. “Hei leh chen hi Lalpan min pui a ni,” tiin, a hmingah chuan Ebenezer a vuah a. Chutichuan, Philistia mite chu an tlâwm ta a.

‘Ebenezer’ tih awmzia chu ‘ṭanpuina lung’ tihna a ni a. Israel-hovin pathian dang an biak nasat avangin Philistia-ho nêna an indo pawhin vawi hnih ngawt hnehin an awm a, thuthlung bâwm pawh an lâksak nghe nghe a. Samuela roreltua an nih veleh an thinlung tak zeta Lalpa lam hawi a, ram dang pathian dah bo vek tûrin a ti a. Samuela thua Israel mipui Mizpe-a an punkhâwm laiin Philistin-hovin beih an tum a, khawpui ri nasa tak hmangin Pathianin a hnehsak ta a. Samuela chuan lung a phun a, Ebenezer tiin a vuah ta a ni.

Pathianin kan tih theih loh min tihsak leh kan hneh theih loh min hnehsaknaah te, nupa leh chhûngkua pawha a malsawmna kan dawn zozaite avang hian Ebenezer lung hi phun ve hlawm âwm tak kan ni.