NAUPANG NGAIHSAK 2-NA

NAUPANG NGAIHSAK 2-NA

THUFINGTE 22:6
Naupang chu a kalna âwm kawngah chuan zirtîr ula, A upat hun pawhin a thlah lo vang.

Dorothy Law Holte-i chuan Naupang chu –

– Sawisêlna hmuna a awm chuan mi dang dem a zir a.
– Inhuatna hmuna a awm chuan insual a zir a.
– Hmuhsitna hmuna a awm chuan zahzum a zir a.
– Zahna hmuna a awm chuan sual intihna a zir a.
– Fuihna hmuna a awm chuan inrintâwkna a zir a.
– Fakna hmuna a awm chuan mi dang lâwmpui a zir a.
– Dikna hmuna a awm chuan dikna a zir a.
– Himna hmuna a awm chuan rinna a zir a.
– Pawmpuina hmuna a awm chuan induhtâwkna a zir a.
– Kawm nêlna hmuna a awm chuan he khawvêlah hian hmangaihna a zir ṭhin – a ti a.

Kan tu leh fate hi eng thil nge kan zirtîr ve aw? Engmah zirtîr hman lova kan awm ṭhin lai hian thil ṭha lo kan lo zirtîr char char ṭhin a lo ni reng mai! An kalna âwm, Pathian duhzâwng kawng thu zirtîr ṭhin ila, chu chu an finna tûr bul pawh a ni dâwn a ni.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy