BUMNA HLAWH

BUMNA HLAWH

THUFINGTE 11:18
Mi suaksual chuan bumna hlawh a dawng ṭhîn a, Felna tuhtu erawh chuan a tak tak hlawh a dawng ṭhîn.

Pa pakhat hi rêlah a chuang a, seat ṭha ber a hauh a. A bul seat âwlah chuan a bag a dah a, tlangval pakhat hi a va kal a, ṭhut a tum lai chuan, “Ka thianpa seat a ni a, hei a bag pawh,” a lo ti a. Tlangval chuan, “A lokal hma kan ṭhu lawk ang e,” tiin bag chu a pawm a. A bumtu pa ṭhianpa lah a lo thleng thei si lo va. A tâwpah chuan tlangval chuan, “A lo thleng thei si lova, a bag tal hi a hloh loh nân,” tih pahin a theh chhuak ta a. A hmaa lo ṭhu pa chuan a bula ṭhu a bum avângin a bag chu a chân ta zâwk a ni.

Duhâm avang leh mahni hmasial avangtein mi an inbum fo ṭhin. Mahse, a daih rei ngai lo va, hlâwk phahna tûr nia ngaite pawhin chân phah nân an hmang châwk. Bumna hlawh miin a dawn meuh chuan hmêl hlim hmuh tûr a nei ngai tawh ṭhin lo. Bumtute hi an bumate aiin an hlim lo daih ṭhin tih i hria ang u.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy