ṬAWNG FIMKHUR

ṬAWNG FIMKHUR 1

KOLOSSA 4:6
Mi tin engtia chhân ṭheuh tûr nge ni tih in hriat theih nân in ṭawngka chhuak chu chia al, khawngaihna tel ni fo rawh se.

Kumpinu Titanic lawng siam chhuah thar, pil thei lo tûr hiala an ngaih khawpa ṭhaa an siam, lawng pil thei lo an tih hial chu a vawi khatna atan Southamton aṭanga New York panin a chhuak dâwn a. An kal dâwn ṭep chuan Pi Albert Carwell-i chuan, “In lawng hi a pil thei lo tak tak maw?” tiin a zâwt kher a. Lawng chawlhnaa thawktu pakhat chuan, “Ka pi, i Pathian meuh pawhin a tipil thei lo vang,” tiin duhâm takin a lo chhâng a. Vânduaithlâk takin vûr tlang a sut avangin a chesual ta a, mi 2000 zet chuang zing aṭangin 1517 vêl chu khawvela thlânkhur thûk berah phûmin an awm ta a ni.

He lawng hian thawktu pakhat ṭawng fimkhur loh rah hi a chhe zâwngin a seng a ni ang em? Kan ṭawngkamah hian kan fimkhur a pawimawh hle. Mi dangte a hliam theih lai hian mahni ngei pawh min hliam lêt leh thei a ni, kan ṭawngkam chhuak hi chi a al, khawngaihna tel ni fo rawh se.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy