KAWRCHUNG

KAWRCHUNG 1

THUFINGTE 28:13
A bawhchhiatna zêptu chu a hmuingîl lo vang a, Inpuanga sim erawh chuan zahngaihna a hmu ang.

Hun rei tawh takah khan kawrchung (Coat), a chhûng leh pâwn hâk theih ve ve hi ‘Turncoats’ tiin a hming an phuah a. A remchan dân ang zêla an hâkthlâk ṭhin avangin chutiang kawrchung chu ‘Turncoats’ an ti ta mai a ni.

Hmanlai aṭangin Europe ram ṭhenkhat-ah hetiang Coat hi an chîng ṭhin a. A pâwn lam a balh chuan a chhûnglam fai zâwk chu pâwn lamah hmangin an hâkthlâk ṭhin a ni.

He thumal ‘Turncoats’ phuahtu hi Duke of Saxony a ni e tiin miten an sawi. France ramri depah a awm ṭhin a, Saxon Duke a ni. Mi tam takin an rawn hmu ṭhin a. Turncoats an tih chu a nei a, a chhûnglam a vâr a, a pâwn lam rawng chu a pâwl a ni thung.

Ni tinin a coat pâwl lam chu a ha ṭhin a, mahse France mi leh sa ten an rawn hmuh dâwn chuan a pâwl lam chu chhûnglamah dahin a vâr lam chu a hachhuak ṭhin a. A vâr a hâkna chhan chu anmahni a tihlâwm duh vâng a ni.

Tunlai khawvêl-ah hian sakhaw mi ṭha tak tak, Chawlhni-a Biak ina inkhawm ṭhulh ngai lo an tam êm “m a. Ṭhenkhat chu inkhawmna-ah chuan Usher pawimawh tak, thawhlâwm khawntu, ṭantu, thusawitute an ni ṭhin.

Mahse chawlhni a zo a, Biak in pâwnah an kalchhuak a, khawvêl mite nên angkhatin an tla leh dual dual mai ṭhin. Chung mite chu a ni, ‘Turncoats’ ha tute chu.

Jeremia 16:17, “An awm dân zawng zawng ka hmu reng a, hmuh loh rêng rêng ka nei lo; an sualnate ka hmuh phâk loh a awm hek lo.”

Ephesi 5:12, “A rûka an thil tih ṭhinte chu a sawi pawh a zahthlâk si a.”

LUKA 12:2
Eng mah thup hlen theih a ni lo, a lang leh mai ṭhîn; eng mah zêp hlen theih a ni hek lo, hriat chhuah a ni leh mai ṭhîn.

avatar
  Subscribe  
Notify of
Copyright © 2017-2020 Our Daily Bread Mizo.
Privacy Policy