A MAN PÊK

2 SAMUELA 24:24
Lal chuan Arauna hnênah, “Chutiang zawng ni lo ve, a leiin ka lei zâwk ang e; eng mah insêng lovin Lalpa ka Pathian hnênah hâlral thilhlan ka hlân tawp lo vang,” a ti a. Tichuan, Davida chuan hruihzâwl leh bâwngpate chu tangka tlang sawmngain a lei ta a.

Dawra kan duhzâwng thil kan neih theihna tûr chuan a phû tâwka a man a neituten an chhiar anga pawisa kan pêk hmasak a ngai a. Pawisa kan pêk hnu chuan a neitu nihna kan lo nei tawh ṭhin. Thil ṭha leh tlo reng reng chu a man pawh a to bîk nge nge bawk ṭhin.

Thlarau lam nunah leh ṭawngṭaiahte pawh hian miin a man a pêk peih phawt chuan malsawmna a dawng nge nge ṭhin. Thusawitute zîngah pawh ṭawngṭaina nên tihtakzeta Lalpa kartu thusawi chuan thil a tithei ṭhin. Kan nu leh pate emaw kan tu leh fate sualnaah emaw, thil dangah hrim hrim pawh rilru dik takpua tihtakzeta Pathian kan dâwr a, a man kan pêk peih phawt chuan Pathian hnathawh a lang lo thei lo. Pâwn lam thilah pawh hian khawsa thei deuhho hi chu an thawh leh thasênin a lo phu a ni ṭhin.