LAL LO CHHUAK TÛR

ISAIA 9:6-7
Kan tân Naupang a lo piang a, Fapa pêkin kan awm ta a; rorêlna chu a kokiah a chuang ang a: a hmingah chuan Maka, Remruattua, Pathian Chaka, Chatuan Pa, Remna Lal, an ti dâwn si a. A ram a zau zêl ang a, a ramah remnain tâwpintai a nei lo vang; Davida lalṭhutthlêngah a ṭhu ang a, dik tak leh fel taka rorêlin a rawn tinghet ang, tûn aṭanga kumkhuain. Sipaihote Lalpa ṭhahnemngaihna chuan chûng chu a ti ang.

Zâwlneiho hmanga Isua Krista pian tûr thu hrilhlâwkna chu a fiah chho ve hret hret a. Beora fapa, Balaama’n Jakoba aṭanga Arsi lo chhuak tûr a sawi chu Isaia chuan zâwlnei mitin nula thianghlim pâi tûr a nih thu leh chhinchhiahna atân Immanuela sak a nih tûr thu te, a hmingah chuan Maka, Remruattua, Pathian Chaka, Chatuan Pa, Remna Lal tih a nih tur thute leh chu Lal chu Jesaia bul aṭanga chawr no lo chhuak tûr a nih tûr te chiang takin a hmu ta a.

Isua pian hma kum 700 vêla hlâ aṭanga hetiang tak maia zâwlnei Isaia’n Isua chungchâng a lo hmu fiah mai hi a mak a. Kan Pathian ropuizia leh kan thurin innghahna Bible dikzia a chiang ṭhin hle mai!