I THU ANG ZELIN
LUKA 1:38
Tin, Marin “Ngai teh, Lalpa bawihnu ka ni, i thu ang zêlin ka chungah thleng rawh se,” a ti a. Tin, vântirhkoh chuan a kalsan ta a.
Mosia dân aṭanga thlîr chuan lunga den hlum hial tâwk thei dinhmuna ding a ni, mahse Mari’n Pathian a ṭih avângin Lalpa Vântirhkoh thusawi chu a ṭûl ang zêla thlentîr tûrin a Amen thlap a ni. Hetianga vân lam rorêlna ‘I thu ang zêlin’ a tih theih avâng hian a Fapa ngei pawhin Gethsemani huanah khan, a no in tûr huphurh hle mahse, a Pa hnênah, “…nangma thu thu ni zâwk rawh se,” a rawn ti ve leh chiah a ni.
Mari inngaihtlâwmna hi ringtuten kan entawn ve a pawimawh hle. Amah a indah hmasa lo va, Pathian a dah hmasa a, chu chu a nun ngaihno beitîrtu a ni. Pakhatna nih hi thiam a ṭûl rualin pahnihna nih thiam hi kan zir tûr pawimawh tak a ni. Pathian mi hman langsâr tak tak hote hi mahni duh dân aia Pathian duh dân dah lal zêl hote an ni châwk. Thlarau thilpêkahte pawh duhthlang thei kan ni lo, min pêk ang ang Amen a, tihpun tum zâwk tûr a ni.
2 Comments
Zothani
ka chang duh em em mai a nia hetiang han chhiar chu a man hla hle mai. 👍👍👍
Omega muanpuia
mosia dan aṭanga thlira lunga den hlum tawk thei dinhmuna a dinna hi ka chhutchhuak ve theilo…tianga tih fo hi ngaihdan kalpui filawrna niin ka hriat ṭhin tlat chu.. Mari dinhmun kha sawi nêp ka tum lam a niloa ka chhiar ka chhiar pawh hian Nula thianghlim leh thianghlimlo te chungchang chung rorel sak dan thu vel ka chhiar hian..