REMNA LAL A PIANG TA

REMNA LAL A PIANG TA

ISAIA 9:6
Kan tân Naupang a lo piang a, Fapa pêkin kan awm ta a; rorêlna chu a kokiah a chuang ang a: a hmingah chuan Maka, Remruattua, Pathian Chaka, Chatuan Pa, Remna Lal, an ti dâwn si a.

Mahni duhthu ngeia Pathian dân bawhchhia a, thiam lohna leh chhiatnaa inbarh lût kan nih avangin Pathian hmêlmaah kan insiam a. Amah nêna lêng dûn ṭhin kha mi hrang kan lo ni ta a. Ama lam ṭang ni ṭhin chu Setana lam ṭang kan lo ni ta a nih kha!

Hmangaihtu Pathian chuan Amah anga a siam mihringte nêna inremna kan neih leh theihna tûrin a Fapa mal neih chhun min pe a. A pian hma kum 700 zeta Isaia a lo hrilhlâwktîr tawh chu a taka lo thlengin, kan tân Remna Lal a lo piang ta a. Chu Lal lo piang, Isua Krista avang chuan van leh khawvêl a inrem ta a ni. Vawiin ni lawmawm tak, Remna Lal pian niah hian kan chhûngte leh mi dang rem loh kan nei em aw? Amah kan Lal Isua ngeiin, “Remna siamtute chu an eng a thâwl e, Pathian faa vuahin an awm dâwn si a,” a tih kha! Amah leh mi dang nên inremin i awm ang u.

avatar
  Subscribe  
Notify of
Copyright © 2017-2020 Our Daily Bread Mizo.
Privacy Policy