KRISTIAN DANGLAM

KRISTIAN DANGLAM 1

1 PETERA 2:12
Jentail-te zîngah mawi takin khawsa ula, thil sual tia an puh che u pawhin in thil tih ṭhatte anmahni ngeiin an hmu ang a, Pathianin a tlawh hunah che u amah an chawimawi thei ang.

Officer pakhat hi nilenga conference neihna tûrah thu sawi tûrin an sâwm a. Vânduaithlâk takin a alarm clock a set theihnghilh hlauh mai a. Thawh a hai ta a, a harh meuh chuan dârkâr khat chiah insiamna hun a nei tawh a.

Hmanhmawh êm êmin a inphih fai a, a hmuihmul pawh ziat uluk hman lovin a inziat thi palh lehnghal a. A thawmhnaw hâk tûr a han zawng a, mahse a lo chuar hlawm êm êm mai bawk si a, tichuan hmanhmawh takin a han nâwt a, a kamis bân a nâwt kâng palh leh ta a.

Tlâi tawh nâk alai chuan garage a han hawng chiah chu a car ke hma lam chu a lo thêp vek chu niin, buai tak chung chuan a inkhalh chhuak hman ta hrâm a. A sana a en chuan minit 20 a la nei a, hmanhmawh taka a tlân chuan minit 5 bâkin a tlai dâwn lo niin a inngai a.

Ni dang zawng zawng aia chakin a tlân a, khawpui chhûngah pawh a tlan par par mai a, ding tura hriattîrna Traffic light êng sen vet vet pawh chu a tlân tlang pawp pawp a, a tâwp a tâwpah chuan Traffic Police lal takin a lo ti ding ta nghe nghe a.

A car aṭanga rawn zuang chhuak uai uai chungin Traffic Police hnênah chuan, “Kal sawn rawh, lehkha min pe vat la a ni mai. Vawiin thil zawng zawng a buai vek tawh,” tiin thinrim takin a âng buan buan mai a.

Traffic Police chuan dam takin, “Ka pu, tuna i hun tawn leh i thinrimna ang hi ka nei ṭhin asin, KRISTIAN KA NIH HMAIN, mahse kristian ka nih hnu-ah erawh chuan khâng nun dân kha a danglam tawh a ni,” a ti a.

Aw le, ringtu kan nihna hian kan nun a tidanglam tûr a ni. Kristian i nihna avânga i nun dân danglam kha thil pawimawh a ni.

Miten i sawi an awih lo mai thei, mahse i thil tih erawh sawi lo mah la an hmuh tlat chuan an awih ang.

avatar
2 Comment threads
0 Thread replies
0 Followers
 
Most reacted comment
Hottest comment thread
2 Comment authors
H.Vanlalkulha jonah khual Recent comment authors
  Subscribe  
newest oldest most voted
Notify of
jonah khual
Guest
jonah khual

Amen

H.Vanlalkulha 
Guest
H.Vanlalkulha 

Ṭha lutuk.

Copyright © 2017-2020 Our Daily Bread Mizo.
Privacy Policy