KUM THAR THUTIAM
RORELTUTE 11:35
“… Lalpa lamah ka kâ ka lo âng ta si a, chu chu zûk leh thei ka ni si lo,” a ti a.
Kum thar a lo her chhuah dâwn hian mi rilru neite chuan kum thar thutiam tûr an lo ngaihtuah lâwk ṭhin a. Kum danga an tih ngai loh thil ṭha tih nânte an hmang a. Zûk leh hmuam ti ṭhinte pawhin nghei phah nânte an hmang a, inkhâwm ngai vak lote pawhin inkhâwm tam phah nânte an hmang a, Bible chhiar tam lote pawhin chhiar chhuah phah nânte an hmang a, hlâwk takin kum thar an hman theih phah ṭhin.
Kum thar lo thleng tûr hi mi mal leh chhûngkua angin eng thil ṭha tih nân nge kan hman ang a, eng thil ṭha lote nge kan bânsan ang le? Bible chhiar tam te, ṭawngṭai tam te, sâwma pakhat pêk te, inkhâwm tam te, chhûng inkhâwm ni tin neih te, zûk leh hmuam bânsan te, zu leh ruihhlo bânsan te hi a eng emaw ber chu tihhlawhtlin tum ila. Pathian hmaa kan intiam anih rau rau chuan Jeptha ang hian tihlawhtling ngei tûrin hmâ i la ang u.
6 Comments
H.Vanlalkulha
Ṭha hle mai.
Rorelliana
amen a va tha tak em
Zirtluanga
a tha thin lutuk Daily Bread 2020 hi a awm thei dawn em
Grace
Tha hle mai
J.H.nghaka
Tha lutuk e.
Amen
Papuii
Daily bread hi khawngaihin rawn dah leh thei ula kan ti hle mai, ka lo chhawr khawp asin