THU SAWM PÊK 2-NA

THU SAWM PÊK 2-NA

EXODUS 20:4-6
Milem siam chawp leh thil a anpui rêng rêng, chung lam vâna mi emaw, hnuai lam leia mi emaw, lei hnuai lama tuia mi emaw, i tân i siam tûr a ni lo; chûng chu chibai i bûk tûr a ni lo va, an rawng i bâwl tûr a ni hek lo. Kei, Lalpa i Pathian hi, Pathian thîkthuchhia, pate khawlohna avânga fate hrem ṭhîn, mi hawtute chu chhuan thumna leh chhuan lina thlenga hrem ṭhîn leh, mi hmangaiha ka thupêkte pawmtu sâng tam takte chunga khawngaihna lantîr ṭhîn ka nih hi.

Pathian (Jehova) chu Pathian nung, Thlarau, thaw thei, engkim siamtu, mita hmuh theih loh, rinna mita hmuh theih a ni a. Amah aia dah pawimawh tûr a awm lo. Milem leh milimte chu rangkachak leh thil dang hmangtea siam an ni a. Kâ-te nei mah se an thaw thei lo va, mitte nei mah se an hmu thei lo va, bengte nei mah se engmah an hre thei lo (Sam 135:15-17). Pathian chu ropui leh mak tak takin Israel hote hnênah a lo inhriattîr tawh a, mihring kuta siam milem an biaksan chuan Pathian thikthuchhiatna an tawngbaw dâwn a ni.

Eph.5:5-ah chuan ‘mi duhâm chu milem betu a nih thu’ leh Kol.3:5-ah chuan ‘duhâmna chu milem biakna a nih thu’ kan hmu a. Milem bân sâwm nei leh a dangte hmâah ṭhingṭhi lo mah ila, kan Pathian hian milem biaah min lo ngai fo tawh mai lo maw? Chhûngkaw tinte i inenfiah ang u.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.