KA PA VÂNA MI DUH ZÂWNG

MATTHAIA 7:21
‘Lalpa, Lalpa’ mi ti nazawng chu vânramah an lût lo vang a; ka Pa vâna mi duh zâwng titu erawh chu an lût ang.

Isuan tlâng chunga a thusawiah hian hmui chauha piangthar hi a lawm lo a ni tih hi kan hre thei ang.

Khawvêl thilah chuan lemchan thiamte chu an hlâwkin mi tam tak ngaihsân hlawhte an ni. LALPA ṭihtu lemchang mai erawh chu chatuana pawi thei a nih avângin tih loh tawp tûr a ni. Pathian ṭihna tak tak nei si lo, thinlung taka a duh zâwng ti bawk si lote chuan khua a tlai hmain i inenfiah ang u.

Mawhphurhna hrang hrangte hi Krista lala nei kher lovin a tih theih vek. LALPA, LALPA titu mai ni lova thinlung taka a thu zâwmtu, a duh zâwng titu nih i tum ang u.

I duh ang chu min tihtir la,
Duh zâwng dang ka tih loh nan;
Min zuah emaw min hruai emaw,
Ka nun hi i ta a ni.

LALPA, i duh zâwng tituah min siam rawh, Amen.