LAWMTHU SAWINA

LAWMTHU SAWINA

Kum tîr lamah harsatna kan neih avangin ni tina kan rawn post ṭhin NUN KAWNG CHAW chu a khaihlak a. Email-ah leh comments lamah te ṭhenkhatin in lo hlâwkpui thu leh rawn chhunzawm leh thuai thuai tûra ngenna a awm nual avangin kan lâwm hle a. Pathianin kan ṭawngṭaina te a chhâng a, a hnuai lama kan ziahlan Pathian mite avang khuan February thla aṭang hian ni tin kan rawn post leh thei tawh dâwn a ni. Tin, mimal article, sermon leh testimony-te kha a duh apiang tân a rawn submit theih reng zêl ania.

NUN KAWNG CHAW website leh android app chhûnga thu post-te hi mimalin article an submit tih loh chu C. Laldinthara (Christian Media Society) lehkhabu ziah, ‘Our Daily Bread (Mizo)’ 2015 edition leh Pastor K. Lalpiangthara buatsaih ‘CHHÛNGKAW MAICHÂM’ tih bu aṭanga lâk chhuah ṭhin a ni a.

Tin, Kum 2020 chhûnga thu post tûrte hi ‘Chhûng Inkhâwm Bû – AMEN’ Rev. K. Lalpiangthara buatsaih leh Dr. Laldinêni buatsaih ‘Ni tin Lalpa pâwl nân’ tih aṭanga lâk chhuah ṭhin a ni bawk ang. Dr. Laldinêni hian Philosophy-ah Ph.D. a zawh hnuin Missionary tûrin a inpe a. North East hmun hrang hranga a thawh hnuin Mizoram Synod tirhin Interserve (India) hnuaiah Dehradun leh New Delhi-ah a thawk ṭhin a. M.Div. (UBS, Pune) aṭangin a zir chhuak bawk. Tunah hian Missionary Training College-ah Lecturer hna a thawk mêk a ni. An lehkhabu aṭanga ni tina post tûra lâk chhuah min phalsak avangin Rev. K. Lalpiangthara leh Dr. Laldinêni chungah kan lâwm tak meuh meuh a ni.

Website leh android app-a thlalâk te hi Unsplash, Adobe Stock leh Shutterstock website aṭanga lâk ṭhin a ni bawk.

A tâwp ber atân chuan NUN KAWNG CHAW website lo tlawh ṭhin tute leh mahni phone a NUN KAWNG CHAW app install a, lo chhiar ṭhin tute zawng zawng chungah lawmthu kan sawi a, Thlarau leh tisaah hlâwkpuina in lo neih ngei theihnan duhsakna kan hlân a che u.

SAM 150:6
Engkim, thaw thei tawh phawt chuan Lalpa chu fak rawh se. Lalpa chu fak rawh u.

7 Comments

  1. A va lawmawm em, ka lo hlawkpui ṭhin khawp mai, in rawngbawlna Lalpan malsawm zel che u rawh se

  2. A lawmawm thin hle mai. Chhiartu hi pung deuh deuh thei ila a duhawm.

  3. A lawmawm tak zet zet e, engtikah nge a lo chhuah ang tih hi kan lo nghakhlel hle a sin. Tichuan chhungkaw whatapp gp ah te kalo dah leh chhawng țhin a(pawi intilo turah ka ngai ngawt a). Tha kan ti tlang a, nikhat lek fwd loh chuan ngatinge hi an ti hman ziah bawk. Kan hlawk pui tlangin Pathian pawlnan kan hmang țhin a, a lawmawm kan ti em em a ni. Lo țang zel ang che u.

  4. Nun kawng châw a thu post hi kalo nghak hlel ṭhin, ṭan han la zel teh u.

  5. A awmzia hremiah lovin ka instollve tawpa he tiang hi a lo nia ka tifuh khawp mai ziakve thei tawktawk ka nia ka tihsual pawn minhretmiam dawn nia ka lawm e

  6. Han chhunzawm zel teh u. A hluin atangkai hle mai. A hlawk thlak hle thin mai.

  7. Tv. Mawiachhakchhuak

    tunlai hrileng kara pathian thusawi pawm awm tak takte hi ngaih thlak a nuam duh riau mai. a ni indawt zelin lo support thin teh u.thank

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.