NANGNI PAWHIN IN TUAR ANG

1 SAMUELA 12:15
Lalpa aw chu ngaithla lova, Lalpa thupêk in helsan chuan, in puten Lalpa kut an tuar ang bawkin nangni pawhin in tuar ang.

Israel miten lal an dîl avângin Samuela leh Pathian an lungawi lo a. Lal an neih huna lalin a tih retheih dân tûr a sawi vek pawhin lal neih chu an la duh ta cheu a ni.

Saula lal a nih hnu lawkah mipuiten an Pathian an theihnghilh a, LALPA kut an tuar dân te leh Pathian an auh a, anin a chhanhim dân te Samuela’n a hrilh a ni. LALPA thu kan zawm loh chuan kan tuar mai dâwn a, inchhir leh ai chuan tun aṭang hian fimkhurin Pathian thu zâwmin; a thu min pêk hi helsan lo ila, LALPA’N kan tân kawng ṭha min ruatsak ang.

Pathian kan bum thei lo tih i chiang ang u (Gal. 6:7).

LALPA, i duhah min tîr la,
Ka kawng hruaitu ni ang che;
I ṭhatnain min hruai ang che,
Tin, lâwm takin ka awih ang.

Mahni duh zâwngin i kal nge Pathian thu i ngaichâng?