PATHIAN THU ZÂWM ZÂWK TÛRIN

TIRHKOHTE 5:29-30
Nimahsela, Petera leh tirhkohte chuan, “Mihring thu aiin Pathian thu kan zâwm zâwk tûr a ni. Nangnin Isua thingah khai kângin in tihhlum kha, min thlahtute Pathianin a kai tho leh ta a ni.”

Tirhkohte kha Thlarau Thianghlim a lo thlen khân dawihzep tak ṭhin khân, “Pathian thu kan zâwm zâwk tûr a ni,” tiin huai takin Pathian thu an sawi a. Tempul bula Peteran kebai a tihdam aṭang phei chuan sakhaw hruaitu Puithiam lalber leh Sadukai ten Petera leh Johana chu manin tânin-ah an khung ta ngawt a. Mipui lam an vengthâwng a, Isua hminga thusawi lo tûr leh zirtîr lo tûra vauin an chhuah leh ta ringawt a ni. (Tirh. 5:27-28, 4:20).

Pathian thu zâwm lovin mihring thu kan zâwm fo ṭhîn. Pathian thu zawm zâwk a ṭulzia i zir thar leh ṭheuh ang u.

Nangmah anga awm turin
Thuawih theihna min pe la;
Ngilnei leh khawngaiha khat,
Thinlung thar min neihtîr la.

LALPA thu i zâwm zâwk ang u.