THUPÊK ANGIN A TI

GENESIS 6:22
Chutiang chuan Novan a ti a; Pathianin a hnêna thu a pêk zawng zawng ang ngei chuan a ti ta a.

Nova hunlai hian mihring an sual hle a; Pathian pawh mihring a siam avângin a inchhîr a, a rilru nat phah hial a ni. Pathianin Nova chu lawng tuk dân tûr engkim chiang takin a hrilh a, a thupêk ang ngei chuan Nova chuan a ti a ni. Pathian âw hre ve lo tân chuan lawng lian êm êm mai hun rei tak sênga an chhûngkuain an buaipui kha a nuihzatthlâk ngawt ang.

Pathian thu emaw kan hotute thu emaw kan awihna kawngah nuihzat kan lo tâwk a nih pawhin huaisen takin i hlen chhuak zêl ang u. Nova angin Lalpa’n ti tura min tihte hi i ti zêl ang u.

Isua tân rinawmah ka inpe,
Amah ringin, amah ringin;
Ka hmangaihna ka rawn hlân e,
I tân tifamkim rawh.

Nova angin Pathian thupêk titu kan ni ve em?