THU SAWM PÊK 7-NA

EXODUS 20:14
I uire tûr a ni lo.

Hei hian nupa inpumkhatna zahawmna leh thianghlimna humhim a pawimawhzia a târ lang. Uire kan tih hi nupui emaw pasal emaw nei reng chunga mi dang mutpui a ni ber awm e. Nula tlangval pawhin kawp lai nei a mutpui chuan Kohhran chuan uire-ah a ngai. Uire-na hi sual tenawm chungchuang tak, nupa inpumkhatna leh thianghlimna tihbawrhbânna a ni a, chhûngkaw kehchhiatna thlentu a ni a; Pathian leh mihring ngaihah a tenawm ve ve a ni.

Bengchhi zau deuhten an sawi fo chu office leh thawhhona hmun hrang hranga in-uire-na lo tam ta lutuk leh mahni inzuarte avânga pa awm khaw lohna hi a ni! Pathian thinurna kan tawng bua ang tih a va hlauhawm ta êm! Rin loh tak takte pawh he sualah hian an lo inhnamhnawiha a lan avang hian nupa inkârah pawh fimkhur a ngaih thu sawi lan fo a ṭul ta khawp mai.

THUFINGTE 6:32
Mi nu uiretu chuan hriatna a nei lo a ni, Ama nunna tichhe tûr thil a ti a ni.