THU SAWM PÊK 10-NA

THU SAWM PÊK 10-NA

EXODUS 20:17
I vêngte chhûngte chu i awt tûr a ni lo va, i vêngte nupui chu i awt tûr a ni lo, a bawihpa emaw, a bawihnu emaw, a bâwngpa emaw, a sabengtung emaw, i vêngte ta rêng rêng chu eng mah i awt tûr a ni lo.

He thupêk hian mi thil îtna leh duhna a khap a, mahni neih leh chan chunga lungawi tûrin min phût. Awh loh tûr a rawn sawiho hi an hun laia an thil neih zînga hlu leh îtawm ber ber an ni hlawm. Tûn laia ziah ni se chuan mi in, mi hmun lo ram, mi motor, mi rangkachak țhi leh zungbun tihte pawh a tel hial ang.

‘Awt’ tih hi mi dang ta emaw a ang emaw neih duha rilțamna kan ti thei âwm e. Awhna hi Pathian malsawmna duh tâwk lohna leh thil petu Pathian laka lungawi lohna a ni bawk. Bible-ah awhna sualin thil țha lo a thlente kan hmu – Evi leh Adama chanchinah te (Gen.3), Akana chanchinah te (Jos. 7), Davida leh Bathsebi chanchinah te (I Sam. 11-12), Ahaba leh Nabotha chanchinah te (I Lal.21), Anania leh Saphiri chanchin (Tirh.5) ațangte hian awhnain thil a tih pawi theih dân a lang chiang hle a ni.

avatar
  Subscribe  
Notify of
Copyright © 2017-2020 Our Daily Bread Mizo.
Privacy Policy