HEZEKIAN LALPA A VUAN

HEZEKIAN LALPA A VUAN

2 LALTE 18:6
Lalpa chu a vuan tlat a, amah a zui chu a bâng duh lo va, a thupêk Lalpan Mosia a pêkte chu a zâwm a.

Hezekia’n a hmaa lalten an lo ngaihtheih ṭhin milem biakna thil chu duh lovin a tihchhiattîr a. Asuria hovin an rawn beih ṭum pawh khân a mite hnenah, “Chak tak leh huai takin awm rawh u; Asuria lal leh a hote mipui chu hlau suh ula, zâm hek suh u, kan lama ṭang chu a lama ṭang aiin a chak zâwk si a. A lama ṭang chu tisa sipai an ni a, min pui tûr leh min dosak tûra kan lama ṭang erawh chu LALPA kan Pathian a ni si a,” (II Chro. 32:7-8).

Natna khirh tak, a thihpui mai tûr a tuar pawhin Pathianin a ṭawngṭaina a chhâng a, kum sâwm leh panga lai a nun a pawh seisak a ni. LALPA vuan tlattu nih hi a va vanneihthlâk êm! Hezekia anga LALPA vuan tlatin a duh zâwnga intihthianghlim i tum ang u.

Aw ka nun rimchhia hi ka va han ning tak êm,
Mahni chu inpawm hrâm hrâm thei mah ila;
Thianghlimna Pathian chuan a thei ve si lo,
Min tithianghlimtu Lal thisen tel lo chuan.

LALPA, thlêmna tam tak kârah nangmah zuitu leh vuan tlattu ni tûrin min pui rawh.

avatar
  Subscribe  
Notify of
Copyright © 2017-2020 Our Daily Bread Mizo.
Privacy Policy