IN TEHNA NGAI BAWKIN

LUKA 6:38
Pe rawh u; chutichuan, pêkin in awm ang; ṭhahnemngai taka teha, beng muka, sâwi muka, liam zawih zawihin in malchungah an pe ang che u. In tehna ngai bawkin an tehsak leh dâwn si che u a,” a ti a.

Pathian hnêna pêk hi kan harsat fo ṭhin. Eng vang nge? Pathian kan rin tâwk loh avâng em ni? Eng vangin nge pêk harsa kan la tih fo le?

Pathian thû angin kan pêk dân a zira tehsak kan ni dâwn. Kan pêk ang hu leka malsâwmna pêk lêt kan nihin kan lâwm ang em? Thil kan pêkin Pathianin min pêk lêt dâwn avâng ni lovin, min pe lêt dâwn lo pawh ni sela kan pe tho tûr a ni dâwn lawm ni? A thlâwna chhandamna min pêk pawh chatuana rulh sên rual a ni si lo.

A thilpek sawi hleih theih loh vang hian,
Lalpa chu eng nge ka pek ve ang?
A fapa pawh ui lova min petu,
Lalpa chu eng nge ka pek ve ang?

Pathianin kan tehna ngaia min chhân lêtin ka lâwm em?