AN HLIM EM EM A

1 CHRONICLES 29:9
Tichuan, mipuite chu an hlim êm êm mai a, rilru hmun khat pua lâwm taka Lalpa an pêk avângin; Lal Davida pawh hlim namênlovin a hlim a.

Thilpêk pêk hi lâwmna a ni fo tih hi kan hai ṭhin avângin kan thil neihte kan kawmpui fo ṭhin. Lal Davidan Temple sak nân ama sum aṭangin rangkachak, tangkarua leh dâr tam tak a pe. Mipuite hnênah, “LALPA tân lâwm taka pe phal in awm em le?” tiin a zâwt a. Mipuite chuan ui lovin an thil neih an rawn la khâwm a, an tak avang chuan an hlim êm êm mai a.

Bible-ah hian, LALPA an pêk avânga an lâwm thu târlan a ni a. Bible lehlin ṭhenkhatah chuan an duhthu ngeia an pêk avângin tih a ni. Lâwm taka pete chu an hlim ṭhin.

Ka sum zawng i tân ka pe,
Nawi khat mah ka ui lo ve;
Rilru pawh i duh angin,
Hmang ang che, i rawngbâwl nân.

LALPA hnênah hlim leh lâwm takin kan pe em?