VÂNRAM

THU PUAN 21:2
Tin, khaw thianghlim, Jerusalem thar chu, mo, a pasal ela a inchei anga peih diamin, Pathian hnêna mi vân ata lo chhuk ka hmu bawk a.

Khawpui lian tham deuhva zin tûrte chuan an kal hmain an sawi an sawi ṭhîn a, a tam ber chuan kal pawh an nghâkhlel hle ṭhîn. Kal kan tumna khawpui Vânram chanchin hian sawi a hlawh vak lo va, thuhriltute pawh hian thupuiah an thlang khât khawp nia!

Vânram hi Thupuan ziaktu chuan ‘khaw thianghlim’, ‘Jerusalem thar’ ti tein a sawi a. A dung zâwng, a vâng zâwng, a sân zâwng chu fîng 12,000 ṭheuh a nih thu a sawi bawk. A khua chu rangkachak thianghlim leh lung man tam chi hrang hranga siam a ni a. An khâwnvâr chu Berâm No a ni. Sualna te, lungngaihna te, tlâkchhamna te, natna te, thihna te, lungngaihna te a awm ve tawh lo va. Nuam zawng zawng neih vekna leh hmangaihnaa rawng inbâwlsakna hmun a ni.