KA KAIN KA HRIATTIR ANG

KA KAIN KA HRIATTIR ANG

SAM 89:1
Lalpa ngilneihna thute chu kumkhuain hlaah ka sa ang a; Ka kain i rinawmzia chu chhuan zawng zawng thlengin ka hriattîr ang.

LALPA hi a rinawm em avângin fak a phu a, theihtawpa fak tûr kan ni. A ngilneihna kan tân ni tin a thar zêl ṭhin hi a va ropui em! Sâm phuahtu chuan, a rinawmzia chu chhuan khat hnêna sawi mai pawh a duhtâwk lo a ni.

Ṭhiante zîngah sawi tûr ngah tak hian ṭul lo kan sawi fo ṭhin. Mi chanchin emaw thil chhe lampangte emaw sawi lovin Pathian rinawmzia Bible-a kan hmuh te, keimahni nun ngeiin a tawnte leh lâwmnate hi sawi ṭhin ila, kan hlâwkpui zâwk êm êm dâwn a ni. Pathian rinawmzia hi fak ila, kan LALPA a lâwmin keini pawh kan hlim zâwk ngei ang.

Awte hman atân ka pe,
Nangma thuin zai rawh se;
Kâ pawh zualkovah ka pe,
Thu ṭhain tikhat ang che.

Ka kate LALPA rinawmzia sawi leh fak nân ka hlân e.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.