SIAMṬHATU PATHIAN

SAM 51:10-12
Aw Pathian, keimahah hian thinlung thianghlim tak siam la, Ka kawchhûngah hian thlarau dik tak siam thar leh ang che. I hnên ata hi mi paih bo suh la; I thlarau thianghlim hi mi lâksak suh ang che. I mi chhandam hlimna chu mi pe leh la, Thlarau tihnuamin mi chelh reng ang che.

Hebrai miten thinlung hi kan ngaihtuahna leh ruahmanna laimu ber a ni an ti. Thinlung thianghlim leh thlarau dik tak chu Pathian thiltihtheihna aṭang chauhva neih theih a ni. Ṭha lam kan duh tlat nân thlarau tihnuam kan mamawh. Duh thlang theiin Pathianin min siam a, chin dân ṭha lote hneh tûrin chakna min pe ṭhin.

Davida hian Pathianin Saula a kalsan nun hrehawmzia a hmu a. A tawng ve ang tih a hlauin Pathian hnên aṭanga a bo loh nân Thlarau Thianghlim awmpuina leh chênchilhna a dîl a ni. Ringtu lunghnûr leh sawisel ngah tak kan ni ang tih a hlauhawm hle.

Saruangah min siam rawh
Mulukawlh te ei tûrin,
Zion panna kawngbo te hruai tûrin;
Min ṭhiatin min siamthar leh la.

Lalpa thinlung thar leh thlarau tihnuam min pe rawh.