CHHÛNGKAW PAWIMAWHNA

SAM 68:6a
Pathian chuan mi malte chu chhûngkaw zîngahte a teltîr ṭhîn a.

Chhûngkaw pawimawhna chu mi tinte awmze neia khawsakhona a ni a. Khawtlâng leh ram nun chhia leh ṭha hring chhuaktu a ni. John Mc Arthur-a chuan, “Chhûngkua hi vawn ṭhat a nih loh chuan khawtlâng thil zawng zawng hi pumpelh rual lohvin a chim dâwn a ni,” a ti a. Hei hian khawtlâng leh ram nun tinuam a, tihrehawm theitu chu chhûngkua a nihzia a tichiang hle.

Prof. G. Murphy-a chuan, “Khawvêlah hian eng ang mihring nge la awm dâwn tih entlangna khâwl ṭha ber chu vawiina chhûngkua hi a ni,” a ti ve thung a. Chhûngkua hian mihring nunhona zawng zawng a chhe lam a ṭha lamin a nghawng pha ve ve a; chuvângin, a pawimawhzia hi sawi tam lutuk a awm thei lo vang.

Kan chhûngkua hi kohhran hmasa ber, school hmasa ber leh hospital hnai ber a tling em? Chhûngkaw nun ngai pawimawh mi kan nih chuan khawtlâng leh ram siam ṭhatu ropui tak kan ni tih i inhria ang u.