TIH ZIAK A NI

MATTHAIA 4:3-4
Tin, thlêmtu chu a lo kal a, a hnênah, “Pathian Fapa i nih chuan hêng lung hi chhanga chang tûrin thu pe rawh,” a ti a. Nimahsela, ani chuan, “ ‘Mihring hi chhang chauhvin an nung lo vang a, Pathian kaa thu tin chhuakin an nung zâwk ang,’ tih ziak a ni,” tiin a chhâng a.

Thlêmtu chhan lêt nân Pathian thu kan vawn (byheart) a ṭul hle. Thil hi a ṭhat leh a chhiat hre tûr chuan kan fiah a ṭul, hun harsa leh hmun fianrial ten a rawn târlang ṭhin.

Mizote hi fianrial ngai thei lo, awm khâwm nuam ti mi, hnam dang kârah pawh mahni Mizopuite zawng chhuaka, kawp ngei tum kan ni ṭhin. Mizote min tipumkhatin min phuar khâwm ṭhat viau laiin mi a tiṭhuanawp nasa khawp mai.

Isua kha thlalêrah thlêma a awm khân kawng chi hrang hrangin thlêmtu chuan a thlêm a; amaherawhchu, hmun fianriala a awm pawhin Pathian thuin a inthuam ṭha em a, a hnial thla thei zel. Mal tlat ṭul hun a awm ṭhin, Pathian thua kan inthuam a ṭul hle mai. Setana hnar thei tûrin Pathian thuin i inthuam ang u.

Hman a ṭul hun atâna hman mai theih tûrin Pathian thute vawng ṭhin rawh.