TUNGDING LEH RAWH U

GALATIA 6:1-2
Unaute u, mi, sual eng pawh a tih lai phâwkin awm sela, nangni thlarau mite u, “Thlêmna ka tâwk ve dah ang e,” tia invêng ṭha chungin chutiang mi chu thuhnuairawlh takin tungding leh rawh u. In rit phurhte chu inchhâwk tawn rawh u; chutichuan, Krista dân thu chu in zâwm a ni ang.

Mi ṭhenkhat chu an bulah kan harsatna, fel lohna, panna leh dik lohna lai sawiin min dawm kâng zâwngin an awm ṭhin. Eng ang mi nge kan nih ve le? Suala lo tlu palh te leh insum theih loh avânga tlute tun dina siamṭhat a ṭul. Kan tihsual fo chu kan unau suala tlute dâwm kâng lova kan nem hniam zâwk hi a ni. Kan unau suala tlu an awmin chirh thehin kan hawisan ṭhin. Inchhîra sim, inlamlêt pawh kan ngaidamin kan pawm tûr a ni dâwn lo em ni?

Tlu mai thei, sual mai thei kan ni. Kristaa kan awm reng loh chuan kan derthâwnzia leh mahni chakna mai chuan engmah kan nih lohzia hriaiin kan unau tlute hi mahni invêng ṭha chungin thuhnuairawlh takin i tungding ang u.

LALPA, mi dangte tungding tûrin hmangaihna leh chakna min pe ang che.