INNGAIHSAK-2

SAM 106:43-44
Vawi tam tak anni chu a chhanhim a; Nimahsela, a remruatnaah chuan an hel ṭhîn a, An khawlohnaah chuan tihhniamin an awm ta a. Chuti chung pawhin ani chuan an au thâwm a hriat chuan, An mangang chu a ngaihsak a.

Israel faten Kanaan ram an panna kawngah khan Pathian duh loh zâwnga awmin vawi tam tak an hel a. Hawisan daih tawh âwmah pawh Pathian an auh chuan anin a lo ngaihsakin an lam a hawi leh ṭhin a ni.

Chhûngkuaa hel hmang deuh leh awm ṭha duh vak lote leh vêng khat chhûnga sual deuh nia kan ngaih hote hi ngaihsak viau an har hle ṭhin a. Eng emawah pawh a ṭhasate bawk hi kan ngaihsakah an ṭang leh ṭhin. Mihring taka ngaihtuah chuan zû leh ruihhlo ti ṭhinte phei chu ngeiawm leh khamawm tak an ni a, ngaihsak a hnêkin dawhtheihte pawh hi a har duh hle. Damlo na takin ngaihsak an mamawh ang bawkin heng mite hian kan ngaihsak an mamawh a. An thlarau damna tûra kan ngaihsak hi Pathian laka kan bat a ni tih i hria ang u.