THU AWIH A ZÎR TA A

HEBRAI 5:8
Fapa meuh pawh ni mah sela, a thil tuarahte chuan thu awih a zîr ta a ni.

Isuan thu a awih vânga a tâwp thlenga a tuar dân chanchin Hebrai lehkhathawna mi hi chhiartute fuih nân a ṭha hle. Kan pian tirh aṭangin thu âwih aiin thu âwih lohna lam ‘ti suh’ tih chu tih châk a awl.

Isua chu naupang, tleirawl leh ṭhalai, mi dangte rawngbâwlsaktu a ni ṭhin. Temple aṭanga an haw leh ṭum pawh khân Bible-in ‘an thu zâwmin a awm a’ a ti. Mi dangte ang bawka thu âwih lo ve mai tûra thlêma a awm pawha thu âwih tlat a ni. Bible-ah chuan, ‘Nangnin ka thupêkte in zawm chuan ka hmangaihin in awm reng ang; keiin ka Pa thupêkte ka zâwm a, a hmangaihin ka awm reng ang bawk hian’ a ti (Joh. 15:10).

Nangmah anga awm tûrin.
Thu awih theihna min pe la,
Ngilnei leh khawngaiha khat,
Thinlung thar min neihtîr la.

Isua anga thu âwih i zir ṭheuh ang u.