ISUA – KAWNGKHAR

JOHANA 10:7
Chutichuan, Isuan an hnênah a sawi leh a, “Tihtakmeuhvin, tihtakmeuhvin ka hrilh a che u, kei hi berâm kawngkhâr chu ka ni.

Berâm vulhtuten an berâmte zânah him taka an riah theih nan huang an siamsak ṭhin a, chu huang chuan kawngkhâr pakhat a nei a, berâmten luh nan leh chhuah nan an hmang a, berâmpu chu chu kawngkhârah tak chuan a riak ṭhin a. Berâm rûk tumte tân pawh kal tlang ngei ngei a ngai a, mi sual leh ramsa chimawm zual deuh a tawn phei chuan a nunna a tân pawh a hlauhawm ve hle ṭhin a ni.

Lal Isuan berâm kawngkhâr a intehkhin hian zir tûr pawimawh tak min pe a. Amah kal tlang lo chuan Vânramah a luh theih loh va, amah chauh hi luhna awm chhun a ni. Tin, Lal Isua hi sualna leh thihna lakah pawh min veng him theitu awm chhun a ni bawk. Hetiang zui tûr, kan tâna thih ngama a nun petu kan nei hi kan vannei tak meuh meuh a ni.