BIAK IN LEH KOHHRAN PÊL A NUN

BIAK IN LEH KOHHRAN PÊL A NUN

— F. Vanlalruata
Mission Vengthlang

JOHANA 4:21
Tin, Isuan a hnênah, “Hmeichhia, ka thu awih rawh, he tlângah kher lo pawh, Jerusalem khuaah kher lo pawh, Pa chibai in bûk hun a thleng dâwn ta.

Biak In chauh hi Pathian kan biak theihna hmun a ni lova, khawi hmun aṭang pawhin kan be thei a ni. He kan rilru hi kan thlâk a ngai tawh a ni. Pathian mi kan nihna hi kohhran leh Biak In pêl a kan hman a; kan tihlan hunah chuan eirûkna leh hlemhlêtna te, sualna chi hrang hrang te hi a lo ziaawm ngei ka beisei tlat a ni. Kohhran leh Biak In kâwr a hmang hi kan va tam em. Kohhran a inhmang tak hnathawhna lam a awi ngai reng nih te hi a ṭha lo a ni. Kohhrana a fawng chelhtu lian tak tak te hian an office-ah kohhran mi an nihna te hi chhawmlût sela, eirûkna leh hlemhlêtna tam tak hi a bo ngei ang.

Kan chhûngkuaah te, kan hnathawhnaah te, kan inṭhianṭhatnaah te, kan inngaihzawnnaah te leh kan khawtlâng nunah hian Pathian mi kan nihna hi tilangin nunpui ila, kan Pathian hi a lo ropui zual zêl zâwk dâwn a ni.

Biak In leh Kohhran pâwnah pawh ringtu ṭha tak ni ngei tûrin LALPAN malsawm che u rawh se.

Subscribe
Notify of
guest
Email will not be published
2 Comments
oldest
newest most voted
Inline Feedbacks
View all comments
T Lalroliana
T Lalroliana
2 months ago

Amen

Lalthlamuana
Lalthlamuana
2 months ago

A va ṭha tak em

Copyright © 2017-2020 Our Daily Bread Mizo.
Privacy Policy
2
0
Would love your thoughts, please comment.x
()
x