SAKEIBAKNEI RÛM ANGIN

SAKEIBAKNEI RÛM ANGIN

1 PETERA 5:8
Ngaihven ula, fimkhur rawh u; in khingpui Diabola chu sakeibaknei rûm ṭhîn angin, a ei theih tûr zawngin a phi ruai ṭhîn.

Indona hmuna châwl leh muangchang chan a duhawm ngai lo. Indonaa kal ve, hmêlma che tla leh chêt lâk dân tûr ngaihtuah lo chu hnehtu a ni thei lo ang bawkin keini pawh ngaihvena fimkhur tûra hrilh kan ni. Ṭawngṭai hi kan râlthuam neih ṭha a ni, i hmang ṭangkai ang u. Ṭawngṭai kan thlahdah hian thlêmnaa tlûk a awlsam duh.

Sakeibaknei hi a chakin a thâwm a ring hle a, a rilṭam sa pêl tawn fuh a hlauhawm khawp mai. Setana chu sakeibaknei rûm ṭhin ang a phi ruai a nih avângin kan fimkhur a ṭul. Kan lama ṭang hi a chak zâwk (1 Joh. 4:4) a ni tih hriain, rilru puan ven sawi chhîng a ngaihven (1 Pet. 1:13) chungin Pathian râlthuam famkimin inthuam ila (Eph. 6:13-18), rinna a ding nghet (1 Pet. 5:9) chungin i kal zêl ang u.

Sakeibaknei hahum angin,
Hlauh tûr reng reng kan hre ngai lo.

LALPA, fimkhur reng tûrin min pui ang che.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.