ISUA – NUNNA

ISUA - NUNNA

JOHANA 14:6
Isuan a hnênah, “Keimah hi kawng leh thutak leh nunna ka ni; keimaha kal lo chu tu mah Pa hnênah an thleng ngai lo.

‘Nunna’ tih hi Johana hian vawi 33 lai a sawi a; vawi 15 chu chatuan nun bîk a sawina a ni nghe nghe. Chatuan nun kan neih theihna tûr hi Chanchin Ṭha ziaktute thupui ber a ni a, chu chu Isua rin chauhvin a neih theih a ni tih min hrilh ngun hle. Sam phuahtu chuan, “Nangin nunna kawng chu mi hriattîr ang, i hmaah chuan hlima khah liamna a awm a,” (Sam 16:11a) tiin a lo sawi a. He Sâm phuahtu pawh hian Lal Isua ‘nunna’ a nihzia thu a lo puang lâwk niin a lang.

Lal Isuan ‘nunna’ a nih thu a insawina hi taksa thih avanga thi ve thei tawh lo, kumkhuaa nung tûr a sawina a ni a. Tu man thiam loh an chantîr theih tawh loh, ṭawih leh ral ve ngai tawh lo tûr a ni. Hemi nei tûr hian dam chhûng khawsakna thilte leh khawvêl nawm chenna te pawh chân ngam a ṭul. Eng dang zawng aia kan thlan ber tûr a ni.

avatar
  Subscribe  
Notify of
Copyright © 2017-2020 Our Daily Bread Mizo.
Privacy Policy