AN THILTIH HI AN HRE LO A NI

AN THILTIH HI AN HRE LO A NI

LUKA 23:34
Tin, Isuan, “Ka Pa, anni hi ngaidam rawh; an thiltih hi an hre lo a nih hi,” a ti a.

Isuan kraws lêra a thusawi hmasak ber chu, “Ka Pa, anni hi ngaidam rawh; an thil tih hi an hre lo a nih hi,” tih hi a ni. Kan tân a tuar khân aman a ngaidam mai ni lovin Pa Pathian hnênah a dîlsak a ni. A tuar hi taksa mai bâkah rilru leh thlarau a tel avângin a thlan pawh thisên angin a far hial a ni, chuti chung chuan mi dang tân a la dîlsak cheu a ni.

‘Kan chunga thil tisualtute kan ngaidam angin, nang pawhin kan thil tihsual ngâidam ang che’ ti chung hian mi dang ngaihdam hi a va har em! Mi dang tihsual kan enin a ṭhen chu kan thiamloh nghal a, a ṭhen chu an tisual tih hre chungin kan ngaihnathiam lawi si. A ṭhen erawh chuan tisual mah se thiam loh kan chantîr lo. Isua thlîr dân – ngaihdamna rilru nêna thlîr i zîr ang u.

Sual râpthlâk tak ngaidam tûra,
Thiam loh hmin dêr hnu i zuah hi,
I thiltihtheihna a ni a;
Tu man chu chu an nei lo va.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.