HLA TAKA ZUITU – PETERA

MATTHAIA 26:58
Nimahsela, Peteran hla tak aṭangin amah chu a zui a, Puithiam Lalber in hual chhûng kawtlai thlengin; tin, a va lût a, a tâwpna hmu tûrin chhiahhlawhte zîngah a ṭhu ve a.

Petera hi pa huaisen tak a ni a. Gethsemane huanah a țhiante an chêt ngam loh laiin puithiam lalber bawih beng a sât thla a, Isua an man khân a țhiante chu an tlânbo duak a, a ni chuan hla tak aṭangin a la zui ngam țalh țalh a ni.

Peteran meilum aina hmun ațangin Isua chu vawi 3 ngawt a phat a ni. Isuan Petera a en chuan Isua thusawi a hre chhuak a, a țap ta zawih zawih a (Lk 22:62-61). Isua bul hnai deuhahte khân va ding ve ta se a phat ang em? Hla takah Isua kan zui avângin kan lo phat fo țhin. Isua kiangah a rualin i kal ang u. Kan lo phat a nih pawhin Isua lam enin inchhîra simin a hnên i pan ang u.

I ruala kal dân min zirtir la,
‘I thu nise,’ ka dam chhûng hlaa’n,
Kalvari hmangaih fim mawi leh
Khawngaih thutiamin min thuam la,
I rawngbâwl fo theihna tûrin.

LALPA, hnai taka zui thei tûr chein min pui ang che.