THLAMUANNA

THLAMUANNA

— Chhantea (Oriela patea)
E. Lungdar

JOHANA 14:26-27
Tin, Thlamuantu, Thlarau Thianghlim, Pain ka hminga a rawn tirh tûr khân, chu mi chuan engkim a zirtîr ang che u a, in hnêna ka sawi zawng zawng a hriat chhuahtîr leh ang che u. “Thlamuanna ka hnutchhiah a che u; keima thlamuanna ka pe a che u; khawvêlin a pêk angin ka pêk loh che u hi. In thinlung mangang suh se, hlauh pawh hlau suh se.

Khawvêl mihring te hian khawvêlah hian eng nge kan mamawh ber ni ang? Thlamuanna leh thlamuantu a ni ngei ang. Eng vangin nge in leh lo ropui tak tak te, sum leh pai tam tak te kan duh a kan zawn le? Lirthei changkâng ṭha tinrêng engati nge kan awh le. Thlamuanna atân kan duh vâng a ni.

Khawvêl sawrkar ropui tak tak ten boruak, khawmual leh tuifinriat chungah engati nge râlthuam ṭha tinreng nên an inbun ther chuk le? Thlamuanna an neih duh vâng a ni.

Mihring tu pawh mai hian khawvêlah hian kawng hrang hrangin thlamuanna kan zawng a. Mahse, thlamuanna ka hmu ta, ka thlamuang ta, hahdam takin i châwl teh ang ti theitu kan awm em le? Kei chuan ka la hre miah lo.

Tunah khawvêlin covid-19 hri hlauhawm lo lêng a buaipui a. Khawvêl a râlkhel a. Mi tin kan chiai a nih hi. Kan ram ngeiah pawh a lo lût ta tih thâwm nên mipuite kan phili ta a nih hi.

Tah chuan in leh lo ropui te, Sum leh pai rohlu tam tak te, lirthei changkâng tak tak te hian min thlamuan em? Thlamuanna famkim min pe thei em? A teuh lo mai. Kan nun zahve pawh muangin a chawlhtir thei lo.

Khawvêl sawrkar ropui te hi han thlîr teh. An finna an thiamna leh theihna, an râlthuam ropui tak tak te hian thlamuan ni se ti êm êm hian an buai phili lo ang.

Kan ram leh khawvêl heti a nih mêk lai hian kan mamawh chu Isua krista a ni. Ani chuan thlamuantu Thlarau Thianghlim pêk min tiam, chu chu khawvêlin a pêk theih loh thlamuanna a ni. Chumi chang tûr chuan i inbuatsaih em le?

“Thlamuang takin awm rawh u, Keiin khawvêl ka ngam ta,” titu kan Lalpa hian he hri hlauhawm lakah min chhandam thei a. Min venghim thei bawk asin.

Lalpa’n a thu malsawm rawh se.

Subscribe
Notify of
guest
Email will not be published
5 Comments
oldest
newest most voted
Inline Feedbacks
View all comments
Zirtluanga
Zirtluanga
1 month ago

a tha tak zet Min thlamuan hle mai

Lalthlamuana
Lalthlamuana
1 month ago

Amen

Jessy Lalramchhani
Jessy Lalramchhani
1 month ago

Amen..

C.Sanga
C.Sanga
1 month ago

Avan ropui em!

Lalnunmawii
Lalnunmawii
1 month ago

Amen

Copyright © 2017-2020 Our Daily Bread Mizo.
Privacy Policy
5
0
Would love your thoughts, please comment.x
()
x