ELOI, ELOI, LAMA SABAKTHANI?

MARKA 15:33-34
Tin, chawfâk hun a lo nih chuan, behliang mun hun thlengin khawvêl a lo thim ta vek a. Tin, behliang mun hun lai chuan Isua chu aw ring takin, “Eloi, Eloi, lama sabakthani?” tiin a au chhuak a (chu chu “Ka Pathian, ka Pathian, engah nge mi kalsan?” tihna a ni).

Isua khenbeh a nih lai hi Kalhlen kût thla bial lai tak a ni. ‘Eloi, Eloi, lama sabakthani?’ ti a a au chhuah hnu hian khawvél a thim mup mai a. Hetianga thim hi khawvél chanchinah a dang hriat a awm lo.

Isua hun hnuhnung a thil thleng hi mihringte chunga Pathian thinurna leh a kalsanna a entîr nia sawi a ni. Pathian kalsan, thinurna leh ânchhia (Deut. 23:23) hi a râpthlâk êm a ni. I fimkhur ang u. Lal Isuan inchhîra sual simte a hnar ngai lo. ‘Tu pawh ka hnêna lo kal chu ka hnawt chhuak tawp lo vang,’ a ti. Tûn hunah ngei hian a hnên i pan ang u.

“Ka Pa, ka Pa,” tiin a au,
“Engah nge min kalsan?” a ti,
Kan tân sawti kauvin a tuar,
A tân kan tuar ang em?

LALPA, nangma hnên lam ka rawn pan e.