HMANGCHANG (BIAK INAH)

April 5, 2020

JOHANA 4:24
Pathian chu Thlarau a ni; a chibai bûktuten thlarau leh tihtakzetin chibai an bûk tûr a ni,” a ti a.

Biak Ina awm dân mawi sawi tûr tam tak awmte zîngah hêngte hi han târlang ila –

1. Taksa leh thawmhnaw fai nên inkhawm tûr a ni.

2. Zûk leh hmuam ti lova Biak In pan hi a mawi bîk.

3. Zah takin Biak Inah kan lût tûr a ni.

4. Thlahdah taka ṭhut leh ṭawngṭai laia bawp khawkherh hi a mawi lo hle.

5. Biak Ina phun te, nuih te, thil ei te leh hmuam te hi a mawi lo va, chîn loh a ṭha.

6. Ṭhutnaa ke hlan leh nghenchhan hlam hi a mawi lo.

7. Rawngbâwltute tân chêt muan lutuk emaw chêt hmanhmawh lutuk emaw a mawi lo thei.

8. Ring deuh hleka ṭawng hi chîn ṭhanah neih a ṭha.

9. Hmeichhe tân kawr pan lutuk leh bân bûl lutuk hâk loh a ṭha a. Kekawr tlâwn ha chunga inkhawm a mawi ve lo bawk.