ISUA JERUSALEM-AH

LUKA 19:33-38
Tin, sabengtungno chu an phelh lai chuan a neituten an hnênah, “Sabengtungno kha engah nge in phelh?” an ti a. Tin, anni chuan, “Lalpan a duh a ni,” an ti a. Tichuan, Isua hnênah an rawn kai ta a; tin, sabengtungno chungah chuan an puante an phah a, a chungah Isua an chuantîr a. Tin, a kalna tûr kawngah chuan an puante an phah zêl a. Tin, an thlen dâwn hnaihin, Olive tlâng liam dâwnah chuan, zirtîr mipui zawng zawng chu a thil mak tih zawng zawng an hmuh avângin an lâwm a, aw ring takin, “Lalpa hminga Lal lo kal chu fakin awm rawh se, vânah rem thu lêng sela, chungnung berah khian ropuina awm rawh se!” tiin Pathian an fak ta a. Tin, an thlen dâwn hnaihin, Olive tlâng liam dâwnah chuan, zirtîr mipui zawng zawng chu a thil mak tih zawng zawng an hmuh avângin an lâwm a, aw ring takin, “Lalpa hminga Lal lo kal chu fakin awm rawh se, vânah rem thu lêng sela, chungnung berah khian ropuina awm rawh se!” tiin Pathian an fak ta a.

Isuan zirtîrte chu khuaa sabengtung kâi tûrin a tîr a. A neituten, “Sabengtung no kha engah nge in phelh?” an ti a. ‘Lalpan a duh a ni’ tiin an chhâng. Sabengtung no chungah puan an phah a, Isua a chuang a. Mi tam takin kalkawngah chuan, ‘Hosanna! Lalpa hminga lo kal chu fakin awm rawh se’ tiin an au va.

Lalpan a duh che a, Sabengtung aiin i hlu zâwk tih inhriain Lalpa chuan theihna ni tûrin nangmaha harsatna awmte paihin i nun a hnênah hlân rawh.

Isua, Lal angin a kal e,
Hosana, au thâwm chu ngai ru;
Tûmkau hlimah puan vâr chungah,
Tlantu ngilnei kal zêl ang che.

I nunah Isua hi ropui takin i luhtîr ve dâwn em?