JERUSALEM LAM A HAWI

LUKA 9:51
Tin, heti hi a ni a, amah hruai chhoh a hun dâwnin, Jerusalem khuaa kal tumin a hawi tlat a.

Lal Isua hian a tuar tûr hi a hre lâwk vek a, tihhluma a awm tûr hrilh lâwk vek a ni (Mt. 16:21). Petera’n, “LALPA Pathianin khawngaih che rawh se; chûng chu i chungah a thleng tawp lo vang,” tiin a zilh a, Isuan, “Setan, ka hnungah kal rawh; ka tân tlûkna i ni e; Pathian thilte ngaihtuah lovin, mihring thilte i ngaihtuah zâwk a nih hi,” (Mt. 16:22-23) a ti a. Isuan a zirtîrte a tuar tûr a hrilh nawn pawhin a ngaihna an hre lo (Lk. 9:44-45).

Isuan a tuar tûrte a hlau lo va, Petera pawh ama duhsak angin lang mah se, Setanan amah hmangin a thlêm tih a hre mai a, a dîm lo. Min tlanna tûr, a thih tleitlâkna dâl thei chu a tân thang a ni.

Keini pawh Lal Isua angin Pathianin kan tih tûra min pêk lam hawi tlatin a duhzâwng dâltu engmah i insiam u.

Amah kan ring takzet em?
Min hrilh angin kan nung em?
Ama tan kan inphal em?
Rin hi thil tihah lang se.

Jerusalem lam i hawi ve tlat dâwn em?