GOOD FRIDAY ISSUE 2-NA

— Chhantea (Oriela patea)
East Lungdar

Isuan kross lêra thu a sawi te…

Chanchin Ṭha bu 4-ah kan Lal Isua an khenbeh laia thu a sawi an sawi 7-te zînga 2-na hi i han enho leh teh ang.

“Ka Pa, anni hi ngaidam rawh; an thiltih hi an hre lo a nih hi,” a ti a (Lk. 23:34).

Hei hi amah khêngbet tute tâna a ṭawngṭaisakna a ni.

Kan Lal Isua hmangaihna mak hi a mak tih bâk a sawifiah vak ngaihna ka hre lo.

Anchhedawng thihna hreng a awm mêk lai a, chumi hreng a awmtîr tute tân a ṭawngṭai hi keima mihrinna hi chuan a thei lo sa. Mihring damlaiah hian thei kan awm pawhin ka ring lo e.

Mahse, kan Lal Isua erawh chuan an sual avânga a tuarsak khêngbettu Rom sipai rawva tak te kha… vei tak chuan nangmahni vânga tuar ka ni a, chuti chung pawha hetia min la tih le… tih lam rêng thlu lovin… Eden bawhchhiatna nihna sual hliam hnu mihringte’n a chunga thil an tihsual mêk lai pawhin A pa vân a mi hnênah ngaidam tûrin a ngên lawm lawm zâwk a ni.

Pathian nihna a hmangaihna chuan vawrtâwp a nei ve lo a. Ramri a kham ve lo, hei hi a ni hmangaihna dik tak chu. Hmangaihna dik takah chuan ka tân ni lovin an tân a ni tawh zâwk si a.

Krista hmangaihna chuan hre lo leh sawisatu leh sawisêl tute pawh a huap zo a. Chi bil hnam bil awm lovin mitin tân a ni si a.

Pathianin a thu malsâwm rawh se.