KRAWS LERA ISUA THUSAWI 3-NA

JOHANA 19:26-27
Tin, Isuan a nu leh a zirtîr a hmangaih kha a kianga ding a hmu a, a nu hnênah, “Hmeichhia, en teh, i fapa kha!” a ti a. Tin, zirtîr hnênah chuan, “En teh, i nu kha!” a ti a. Tin, chuta chin chu, chu zirtîr chuan ama inah ani chu a hruai ta a.

Kraws bulah Mari leh Johana bâkah hmeichhe ṭhenkhat an awm ve a. Khawvêl a chhuahsan hun darkâr a lo her chhuah tâk avângin a nu, Marin Johana chu fapa ang taka a lo en nân leh Johana pawhin nu anga a en nân he thu hi a chah niin a lang.

Isua pa, Josefa kha a thi hma ang a, a unau dangte ho khâwm tûrin Johana kha a duh a ni mai thei. Tin, a unaute hian Isua an rin loh vâng pawh a ni thei ang (Joh 7:5). Kan natnate phura krawsa a tawrh lai meuh pawhin mihring dinhmuna khawharna leh harsatna a theihnghilh thei lo. Temple-a hlan a nih ṭuma Sumeonan, Mari hnêna, ”Nanga thinlung pawh ngûnhnâmin a la chhun tlang ang,” tia a sawi kha a lo her chhuak ta a ni.