KALHLÊN KÛT

EXODUS 12:27
Nangnin, ‘Hei hi Lalpa kalhlên inthawina a nih hi, ani chuan Aigupta mite a tihhlum lai khân kan inte chu a rawn zuah a, Aigupta rama Israela thlahte in chu a rawn kal hlên a ni,’ in la ti dâwn nia,” a ti a. Tin, mipuite chuan an lû an kûn a, chibai an bûk ta a.

Kalhlên Kût hi Juda hote Aigupta avânga an chhuah hriat rengna a ni a, Judaten Jerusalemah hman an tum ṭalh ṭhin. Nisan (March-April) ni 14 ni-ah kût sa an talh a, ni a tlâk hmain an ei a, chhang dawidim telh loh Kût tiin an sawi bawk ṭhin.

Sual then fai mai ni lovin thil siamthar (2 Kor 5:17) kan nih ang ngeiin kan thinlung sual then fai a ṭul. Pathian In kan nih ang takin kan thianghlim tûr a ni (1 Kor 3:16-17). Kan Kalhlên Kûtna tûr chu an talh tawh a, chhanchhuah/chhanhim kan ni (1 Kor 5:7-8). Tangkarua leh rângkachaka tlan ni lovin, berâmno hmelhem lo leh bawlhhlawh kai lo, Krista thisen hlua tlan kan ni. Kalhlên Kût kum khatah vawi khat ni lovin ni tin elrelna leh sualna paih a kût tûrin min sâwm.

Kraws chungah khân engkim a tuar,
Min ngaihdamna tûrin;
A hmangaihzia a mak lutuk!
Ka ngaihtuah sêng lo ve.

LALPA, thudik ṭan tlat ngam tûrin min pui ang che.