THLÊMNAAH MIN HRUAI LÛT SUH LA
MATTHAIA 6:13
Sual tûra thlêmnaah min hruai lût suh la, Mi sual lakah chuan min chhandam zâwk ang che.
Pathianin kan chak lohzia a hre chiang a, chuvang chuan Lal Isuan a zirtîrte hnênah ṭawngṭaina a zirtîr pawhin he thu hi a telh a ni. A pawimawh khawp mai. Mi tupawh chak tâwka inngai, a chak lohzia leh LALPA a mamawhzia hre lo chu a dinhmun a râlmuanawm loh hle. Kan chak lohzia kan hriat a, LALPA kan auh veleh thlêmna hneh theih nân a chakna kan lo nei thei dâwn a ni.
He châng hian Pathianin kan rinna fiahna (1 Pet l:6-7) a thlentîr lam ni lovin Pathian kalsan leh tlûksan tûra Setana min thlêmna lam a kâwk niin a lang. ‘Thlêmnaah min hruai lut suh la’ ti ti si hian thlêmna awmna lam kan pan chuan kan tidik lo nasa ang. Mi tam tak chu sawi ve mai mai, thlêm awlsamna hmunah mahni leh mahni intawktarh ṭhin kan ni.
Tûnah hian sual râl lo lian mah se;
Ka hneh ang Lal Krista zârah;
Pathian thu nung, ngûhnâm leh rinna phaw,
Hmangin ka hneh ang, sualna râl lian.
Thlêm awlsamna lai kan pehhêl nge kan pan zâwk?
