AWHNA SUAL LAKA INVEN

LUKA 12:15
Tin, an hnênah, “Fîmkhur ula, awhna rêng rêng lakah chuan invêng rawh u; sum ngah hi mihring dam chhan a ni lo ve,” a ti a.

Chhûngkaw tinin sum kan mamawh vek a, chhûngkaw dinchhuahna bul a nih theih rualin chhûngkaw kehchhiatna bul pawh a ni thei. Chhûng tin mamawh a nih avângin a lâk luhna kan ngaihtuahna lamah pawh mi dangte nêna intih thiam loh mai a awl hle. Invêng fimkhur tûra Lal Isuan min zirtîr hi a âwm hle a ni.

Kum 1983-ah khân America rama hausa zual 12-te hnênah zawhna an zâwt a. An vaia lungrual taka an chhânna chu, ‘Hlimna hnâr dik tak chu pawisa ni lovin Pathian a ni,’ tih hi a ni. Andrew Carnegie-a chuan, “Ka hausak chinah chuan ka nui khât pharh ta mai,” a ti a. Hlimna dik chu sum ni lovin Pathian a nihzia a tichiang hle. Philippi tâng vêngtu pawh kha Pathian a rin avângin a chhûngte zawng zawng nên an hlim ta êm êm a nih kha! (Tirh. 16:34).