ISAAKA TAN NUPUI

ISAAKA TAN NUPUI

GENESIS 24:67
Tin, Isaaka chuan Rebeki chu a nu Sari puan inah chuan a hruai lût a; tin, Rebeki chu a nei a, a nupui a lo ni ta a; tin, amah chu a hmangaih hle a; tichuan, Isaaka chu a nu thih hnuah pawh chuan a lo thlamuang thei ta a.

Abrahama’n a fapa chu Kanaan nula neihsak a duh lova, ṭawngṭai chungin a chhiahhlawh chu an ram lama mi a zawn tîr a. Nula thianghlim, hawihhâwm, hmêlṭha leh fel, Rebeki a va tawng ta a ni. Isaaka chuan Rebeki chu a hmangaih a, a nu ngâi lunglêng pawh a lo thlamuang thei ta.

Khawvêl miten, pawn lam lan dân, hausakna, thuneihna leh ropuina an zawng a nih pawhin Pathian mite chuan kan zawn dân a dang tûr a ni (2 Kor 6:14) Pathian thuin a ti, zawm a va ṭha êm!

In leh lo, hna, motor, adt. kan thlâk kual thei. Nupa a inneih tawh chuan Pathian thuin; thihna in a ṭhen hma chu inṭhen lo tûrin min zirtîr a ni (Mk 10:9). Fimkhur hle tûr a ni.

Ka duhthlanna hi ka pe,
I taah chantîr ang che;
Thinlung i hnênah ka hlân,
I chênna atân nei la.

Pathian duh zawng nupui pasal i zawng ang u.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.