SUM AIIN HMINGṬHAT

THUFINGTE 22:1
Sum tam tak aiin hmingṭhat hi thlan zâwk tûr a ni a, Tangka leh rangkachak aiin duhsakna a ngainatawm.

Khawvêl thilah chuan sum aia hlu leh thlan zâwk tûr a vâng hle. Kan Bible erawh chuan sum tam tak aiin hmingṭhat thlang zâwk tûrin min hrilh a. Mi tam tak chuan sum kan hmuh ṭeuhna tûr a nih phawt chuan hmingchhiat pawh kan pawi ti lo va, sum avângin kan khaw hmuh a fiah lo ṭhin.

Inthlan nikhuaah pawh mahni dikna leh zahawmna pawh kan hralh duh zêl ta! Kan sum lâkluh leh hman dânah ‘a mawi’ kan zawn a pawimawh hle. Pâwl sum leh kohhran sum kan enkawl dânah pawh fimkhur a tha. Sum chungchanga hming a chhiat tawh chuan tihreh leh a har ṭhin. Kristian chhûngkua chuan sum aiin hmingṭhat a thlang fo tûr a ni.

Kan chhûngkua hian sum tam tak aiin hmingṭhat hi kan thlang zâwk ngam dâwn em?