DÎL RAWH U

MATTHAIA 7:7-8
Dîl rawh u, tichuan, an pe ang che u; zawng rawh u, tichuan, in hmu ang; kik rawh u, tichuan, an hawnsak ang che u; tu pawh a dîl apiang chuan an hmu ṭhîn a; tu pawh a zawng chuan an hmu ṭhîn a; tu pawh a kik chu an hawnsak dâwn a ni.

Lalpan kan duh kan hmuhtheihna kawnga kan tih tûr a sawi chu — dîl, zawn leh kik a ni. Amaherawhchu, kan dîl leh duh ang apiang min pêk a tiam kher lo, kan dîl dik lo ṭhin, chung chu pêk theih a ni lo. A châng chuan lo nghâk hrih tûrin min ti. Heta ‘dîl’, ‘zawng’ leh ‘kik’ hian tih zui zêl a kâwk. ‘Dîl zêl rawh, zawng zêl la, kik zêl bawk rawh,’ tih a ni. Hmeithaiin beidawng lovin rorêltu hnênah a mamawh a dil ngat ngat mai (Lk. 18:1-8) ang khân, keini pawn beidawng lova dîl zêl mai tûr a ni.

Pain a fa a hmangaih a, a thil dîl a pe ṭhin, kan Pa Vâna mi chuan kan mamawh a hria a, kan thil dîl chu kan ti tak tak em tih a hre duh a ni.

Ka ṭawngṭai ngaithla la,
Ka dîl malsawm ang che;
I aw nêm nghâkin ka lo ṭhu,
I thlamuanna, i thlamuanna aw chu.

Dîl la, zawng la, kik rawh.